"حبيبي"نام ياعمري??

"حبيبي"نام ياعمري
على صدري وصارحني
وفض الصمت بإحساسك وخل الحب لي يجري
وفضفض لي بعد عمري وعاتبني وفهمني
أنا أطري على بالك كثر ماإنته علي تطري؟
"تعال"أقرب من أحضاني
ترى خدك مواعدني
يبي يلامس شغف روحي ويقطف بوحي من شعري
تعال إنثر هنا ليلك وخل ويلك يولعني
أنا"أحبك"وأبي قربك
ترى مني قضى صبري
أنا.نبضك.زهر أرضك.وإنته
إيه تملكني
بنحل خصرك.جمر ثغرك.وزود بلونك الخمري
تتوهني.تغرقني.ومن بردك
تدثرني
وتبكي لي.وتشكي لي.وله قلبك ومن سحري
وأبي عطرك مع أنفاسك بصدق الود تحرقني
وأبي عطرك مع سحرك وآهك بالحشا تسري
أبي همسك يبعثرني غلا
ولمسك يلملمني
وأبي عيونك من عيوني.تذوب من الولع كثري
وأبي عهدك مع وعدك وأبي
"كلك تسلمني"
وننعم في حضن من العالم وعن دهري
وتحييني بهلا شوقك.حلا ذوقك يشتتني
يلوعني.ويأسرني.ويملك بالغلا فكري
أبي إيدك تسافر بي
وزهر قدك يلحفني
وأهيم بعالمك عاشق
جنوني إنت.وإنت بي تدري
تشوف الجمر بعيوني؟
تشوف الشوق جنني؟
أجل تدري مثل ماأدري.بأنك:
"حلمي"يا بدري
"حبـيبي"قوم وصارحني عن إحساسك وعلمني
أنا أطري على بالك كثر ماإنته علي تطري؟!