كيف بتحضر الشيشه بالطريقه الغزاويه

مرحبااا ازكا شباب وأحلى صبايا..
بجد انا مشتاقلكم كتير كتير ومعلش عالغيبه
إنتو عارفين الطب ودراستو و همومو.

المهم انا جايبلكم اليوم الطريقة المعتمدة لعمل الشيشة

بالشرح المفصل.. حسب المرجع الاكبر لتاريخ التراث الغزاوي للكاتب عمكو ابو رفيق ابو سلامت أولادو..

وقبل ما نبدأ الشرح لازم التحذير يا بابا

اذا كان عمرك أقل من

18 سنة في البلاد الاجنبية او اقل من 3 سنين في البلاد العربية

انك تطلع يا عم الأمور قبل ما تكمل قراية وحرام عليك
مستقبلك و صدرك الي راح ينصَقع صقِع ...
و قد بعزر من أعزر...

يلا بسم الله..

أول حاجة لازم تاخد اجراءات الحيطة والحذر..

او البلاطة والحذر كله واحد..

لازم اول حاجة تتأكد انو الي خلّفك مش بالدار أو طالع مشوار بعيد

لانو يا عم الأمور مش حلوة مزاجك يتعكر اذا طب عليك ابوك

وانت لسه في أول نفس و الراس لسه بخيره!!

واذا كنت بتشيش انت والحج الوالد مع بعض يبكون نور على نور!

يلا نبدأ بالشرح الممل..

المقادير: شيشة..وتتكون من قزازة، بربيش، عمود الشيشة

راس من الفخار الخالص ( مش تجيبو قزاز ولا مغشوش ها)

معسل بحريني من نوع النخلة

(الي صار سعره نار بعد الانقلاب الله لا يوفق اليهود بس!)

وتأكد انو موديل 2008 و افتحو وشوف لونه لازم يكون أحمر زي الدم و ريحته بتلعلط لعلطة ..

و فحم طازة مش يكون مبرد ولا نصه حجار!

اصحى وانت بتشتري..

نيجي لطريقة التحضير:

تقوم بأخذ كميه من الفحم حسب الرغبه و وضعها على الغاز ..

و يفضل وضع قطعه اسطوانيه مفتوحه من الطرفين

لإعطاء اشتعال بشكل افضل ..

ملاحظة: يمكن استخدام علبة فول قديمه للقيام بهذه المهمة

نقوم بغسل القزازة و تعبأتها بكمية مناسبة من الماء

(لازم تدير بالك هي اهم خطوة انو يكون مستوى المية مزبوط)

ويمكن وضع شرائح ليمون او ورق نعنع او قرنين فلفل في القزازه

بعدين نقوم بتفريغ الراس من المعسل القديم

نقوم بتعبئة الراس بالمعسل ..

مع مراعاة تفريط المعسل بشكل جيد عشان ما يكتمش الراس

نقوم بتغطية الرأس بقطعة صغيرة من القصدير

(سولوفان يعني)

نقوم بتخزيق عرض الراس باستخدام دبوس مدبب

(شو مدبب هاي)!!!!

وبدك تراعي المسافات بين الخوازيق وتكون ايدك خفيفة يا باشا

يعني تذكر انك بتتعامل مع قصديرة سمكها 1 ملم مش زبدية فلفل!

بعدين يا سيدي نقوم بتجميع قطع الشيشة

ولا برضو التجميع بدو شرح يا محترم انت واياه!!

ومن ثم ازن نتأكد من تثبيت البربيش بشكل جيد

لازم ما يكونش فيه تنفيس المرة و اذا لزم الموضوع حط حولين

طرف البربيش كلينكس ولا قصديرة..

بعدين يا معلم بنفحص سحب الارجيلة

وذلك يتم بأغلاق العمود من فوق بإحدى اليدين ..و السحب من البربيش

نقوم بتثبيت الراس على الأرجيله ..

و يمكن وضع صحن تحته عشان ما توسخ الدنيا وتيجي الحجة

تلاقي المطبخ مقلوب و تقلبها غم على راس أهاليك

ولا توقع فحمة على السجادة تشعطها !!

اخر حاجة نقوم بوضع قطع من الفحم المشتعل على الراس

و بتوزع الفحمات بطريقة 2-4-2 الي ربحت البرازيل كأس العالم

واستمتع بعدها بشيشة مميزه

اسحب و انسى... وشدي يا عنبة..

يمكنكم الان طلب الموسوعة الكاملة لتاريخ التراث الغزاوي

للكاتب ابو رفيق ابو سلامت ولادو

من اي بسطة في سوق فراس

او اي محل فلافل عندو قراطيس ورق مكتوب عليها

ختم الجودة (ابو رفيق)!!

او الاتصال على ابو رفيق زات نفسو ..

و اصقعني يا ولد!

هههههههههههههههههههههه

يسلملى الفاقد انا الله

يخليلنا اياك ونشوف مشاركاتك الفاقدة

وهاي طريقة حلوة يالى

ما بعرف يعملها هالوقت راح

يعرف يعملها للبابا بتاعو

مشكور كتير

ابو وديع على موضوعك الفاقد

تحياتى
MRGOGO